Knowledge is good only if it is shared.

Tuesday, May 17, 2016

எஞ்சினியர்ஸ்.

                     ரு காலத்தில் கனவுப் படிப்பாக இருந்தது. சீட் கிடைப்பதே பெரும்பாடு. நுழைவுத் தேர்வு எழுதி பன்னிரெண்டாம் வகுப்பின் கட் ஆப் மார்க் எல்லாம் பார்த்து தான் இன்ஜினியரிங் சேரமுடியும். இப்போதெல்லாம் எல்.கே.ஜி அட்மிசனைவிட எளிதாய்க் கிடைக்கிறது இன்ஜினியரிங் அட்மிசன். பொறியியல் படிக்கப்போகும் மணவர்களுக்கு வாழ்த்துகள். எதையும் சொல்லி உங்களைக் குழப்ப விரும்பவில்லை. அண்ணாப் பல்கலைக்கழகம் கடந்த ஆண்டு வெளியிட்ட பொறியியல் கல்லூரிகளின் தரவரிசையிலிருந்து குமரி மாவட்டக் கல்லூரிகளின் பட்டியல் கீழே,


படத்தைச் சொடுக்கி பெரிதாக்கலாம்.
கடைசியாக ஒரு வார்த்தை,

பன்னிரெண்டாம் வகுப்பில் தமிழ் ஆங்கிலம் தவிர்த்த மற்றப் பாடங்களில் 80% மதிப்பெண் பெற்றவர்கள் தாராளமாய்ப் படிக்கலாம். மற்றவர்கள்? பணத்தைப் பாழாக்கும் எண்ணம் இருந்தாலும் படிக்கலாம்.

Tuesday, November 10, 2015

வானியல் 34 ஜிசாட்- 15 (GSAT - 15)

 ஜிசாட்- 15 (GSAT - 15)

                         இன்சாட் செயற்கைக்கோள்களின் ஆட்காலம் முடிவடைவதால் அதற்குப் பதிலாக ஜிசாட் வகை செயற்கைக்கோள்கள் விண்ணில் ஏவப்பட்டு வருகின்றன. அந்த வகையில் ஜிசாட் 15 நவம்பர் 11 அன்று இந்திய நேரப்படி அதிகாலை 03:04 முதல் 03:47க்குள் ஏவப்படுகிறது. (இப்போது ஏவப்பட்டிருக்கலாம்)



ஜிசாட் - 15



                       இந்த ஜிசாட் 15- ல் செயற்கைக்கோள் மட்டுமே நம்முடையது. அதை நமக்காக ஏவுவது ஐரோபிய விண்வெளி அமைப்பின் ஏரியான் 5 விண்கலம். நாம் ஏன் ஏவவில்லை எனில் நம்மால் இந்தச் செயற்கைக்கோளை ஏவும் திறனுடைய ராக்கெட் இல்லை. காரணம் ஜிசாட் 15 -ன் எடை 3164 கிலோகிராம்கள். பி.எஸ்.எல்.வி -ஆல் இவ்வளவு எடை உடைய செயற்கைக் கோளைச் சுமந்து செல்ல இயலாது எனவே ஏரியான் 5 விண்கலம்.


Ariane 5ES with ATV 4 on its way to ELA-3.jpg
ஏரிஆன் 5 (புகைப்படம்: Uwe W விக்கிப்பீடியா காமன்ஸ்)

                      ஜிசாட் வரிசை செயற்கைக் கோள்கள் எல்லாம் பூமிக்கு மேலே 36,000 கிலோமீட்டர் உயரத்தில் நிலைநிறுத்தப்பட வேண்டியவை. இத்தகைய செயற்கைக் கோள்கள் பூமி சுற்றும் வேகத்திற்கு இணையாகச் சுற்ற வேண்டும் அப்போதுதான் எப்போதும் பூமியின் ஒரே இடத்தின் மேலே இருப்பது போல இருக்கும். எனவே இந்தியாவிலிருந்து இந்தியாவின் இராணுவ மற்றும் தொலைக்காட்சி ஒளிபரப்பிற்காக அனுப்பப்படும் இத்தகைய செயற்கைக் கோள்கள் எப்போதும் இந்தியாவின் மேலேயே சுற்றிக் கொண்டிருப்பது அவசியமல்லவா. எனவே பூமியிலிருந்து தோராயமாய் 36,000 கிலோமீட்டர் தொலைவில் விடப்படும் செயற்கைக் கோள்கள் பூமியின் வேகத்திலேயே தன்னைத்தானே சுற்றி வரும் என்பது இயற்பியலின் centripetal force விதி.




                              ரி, செவ்வாய் வரை மங்கள்யானை அனுப்பிய நம்மால் 36,000 கிலோமீட்டருக்கு ஏன் அனுப்பமுடியாது? முடியும். மங்கள்யான் மாதிரி சிறிய செயற்கைக் கோளாய் இருந்தால் நம்மால் முடியும். நமது ஜிஎஸெல்வி  அதிகபட்சம் 2500 கிலோகிராம் வரை ஏவ முடியும். தற்போது ஏவப்படும் ஜிசாட்-15 ஆனது 3164 கிலோகிராம் எடையுடையது. சுருங்கச் சொன்னால், 2500 கிலோகிராமுக்கு உட்பட்ட எடையுடைய செயற்கைக் கோள்களை மட்டுமே நம்மால் புவி இணை வட்டப்பாதையில் செலுத்த முடியும். அதனால் தான் ஜிசாட்-15 செயற்கைக் கோளை ஏவ ஐரோப்பிய விண்வெளி மையத்தின் உதவி தேவைப்படுகிறது. அவர்கள் ஏரியான் 5 ராக்கெட்டைப் பயன்படுத்துகின்றனர். அந்த வகை ராக்கெட்டுகள் கிட்டத்தட்ட 7,000 கிலோகிராம் எடையுடைய செயற்கைக் கோள்களை புவி இணை வட்டப்பாதையில் செலுத்தும் திறனுடையவை. ஏன் நம்முடைய ஐ எஸ் ஆர் ஓ வால் அப்படியான ராக்கெட்டைச் செய்ய முடியாதா எனக் கேட்பீர்களானால். இதுவரை முடியவில்லை என்பதுதான் பதில். ஜிஎஸ்எல்வி மார்க் 3 தயாரானால் 4,000 முதல் 5,000 கிலோகிராம் எடையுடைய  செயற்கைக் கோள்களை புவி இணை வட்டப்பாதையில் செலுத்தலாம். ஜிஎஸ்எல்வி மார்க் 3 யில் "க்ரையோஜெனிக்" எஞ்சின் எனும் வஸ்து இருக்கிறது. கொஞ்ச நாளாய் இந்தியாவிற்கு தண்ணீர் காட்டிக் கொண்டிருக்கிறது. இது தொடர்பான தனிக் கட்டுரை கடைசியில் கீழே.





                      இதை ஏவுவது Ariane-5 VA-227 செலுத்து வாகனம் (ராக்கெட்). இன்சாட் எனும் சொல்லைக் கேள்விப்பட்டிருப்போம் அதற்கு மாற்றாகத்தான் இப்போதைய ஜிசாட் வரிசை செயற்கைக்கோள்கள் ஏவப்படுகிறது. நோக்கியோவிலிருந்து ஐபோனுக்கு மாறியதைப் போல என வைத்துக் கொள்ளுங்கள். ஏவுவது மட்டுமே ஐரோப்பிய விண்வெளி மையம். ஏவி முடித்ததும் செயற்கைக் கோள்களின் உயரம் உயர்த்துவது போன்ற (manoeuvres) வேலைகளைச் செய்வது ஐ எஸ் ஆர் ஓ தான். இதற்கென செயற்கைக்கோளில் LAM மோட்டார் இருக்கும். அவற்றை இயக்கி இதைச் செய்வர்.

Add caption


எடை: 3164 கிலோகிராம்
மின்சக்தி: 100 AH லித்தியம் ஐயான் மின்கலன்களுடன் 6200 வாட் மின்சக்தி.
ஆயுட்காலம்: 12 வருடங்கள்.



"க்ரையோஜெனிக்" தொடர்பான கட்டுரை.

மங்கள்யானைப் பற்றியக் கட்டுரை.

புகைப்பட உதவி: ஐ எஸ் ஆர் ஓ, விக்கிப்பீடியா மற்றும் Arianespace.



Monday, September 28, 2015

வானியல் - 33 ஆஸ்ட்ரோசாட் (ASTROSAT)


ஆஸ்ட்ரோசாட் (ASTROSAT)




ஆஸ்ட்ரோசாட் (ASTROSAT)




                     இந்திய விண்வெளி அமைப்பிற்கான புதிய பாய்ச்சல் ''அஸ்ட்ரோசாட்''. இது ஹப்பிள் தொலைநோக்கியை ஒத்தது. அந்த அளவிற்கு அதிதொழில்நுட்பமுடையதாக இல்லாவிட்டாலும் அஸ்ட்ரோசாட்டும் சிறப்பானதே. தகவல்கள், தகவல்கள் அதிக அளவு தகவல்கள் தேவை நம் விண்வெளி அமைப்பிற்கு. சாதாரண ராக்கெட் ஏவுவதற்கே குறைந்தபட்சம் 200 தரவுகள் தேவை. விண்வெளியில் வளர்ந்த நாடுகளுக்கு இணையாகச் செல்லாவிடினும் ஓரளவு முனைப்புடன் பயணிக்கும் ஐ.எஸ். ஆர்.ஓ விற்கு அதிக தகவல்கள் தேவை. அத்தகையை விண்வெளித்த தகவல்களைப் பெற்று அதை ஆராய்ந்து புதிய விஷயங்களைத் தெரிந்து கொள்ளும் நோக்கில் இன்னும் சற்று நேரத்தில் ''அஸ்ட்ரோசாட்'' ஆராய்ச்சி செயற்கைக்கோள் ஏவப்படுகிறது.

ஏவுதளத்தில் பி.எஸ்.எல்.விசி-30


                   வழக்கம் போல பி.எஸ்.எல்.வி தான் இதை மேலே கொண்டு செல்லும் ராக்கெட். ஜி.எஸ்.எல்.வி யை நம்பகமாகப் பயன்படுத்தும் காலமும் விரைவில் கைகூடுமென நம்புவோம்.

  • ஆஸ்ட்ரோசாட் 1.5 டன் எடையுடையது. 
  • 1.96 மீ X 1.75 மீ X 1.30 மீ வடிவமுடையது.
  • 11 நியூட்டன் (ஹைட்டிரஜனை அடிப்படையாகக் கொண்ட) த்ரெஸ்டர்கள் 8 உள்ளன.
  • 2100 வாட் மின்சக்தியை உற்பத்தி செய்யும் இரண்டு சூரியத்தகடுகள்.
  • 5 வருட ஆயுட்காலமுடையது.



               இந்த ஆஸ்ட்ரோசாட்டின் கருவிகள் தொலைதூர மூலங்களிலிருந்து வரும் ஒளிகளை உள்வாங்கி தரையிலுள்ள கட்டுப்பாட்டு அறைக்கு அனுப்பும்.


  • UVIT - Ultra violet Imaging Telescope (அல்ட்ரா வயலட் மற்றும் அதியுயர் அல்ட்ரா வயலட் ஒளி)
  • SXT - Soft X-ray telescope (ஃபோட்டான் சக்தி)
  • LAXPC - Large Area X-ray proportional counter (எக்ஸ் கதிர்கள்)
  • CZTI - Cadmium Zinc Telluride Imager ( காமா கதிர்கள்)
இதன் மூலம் அண்டங்கள், கருந்துளை, நட்சத்திர மண்டலங்கள் பற்றிய புதிய தகவல்கள் கிடைக்கும். வருங்கால ஆராய்ச்சி முன்னேற்றத்திற்கு இத்தகவல்கள் உதவியாயிருக்கும்.

             பி.எஸ்.எல்.வி சி -30 ராக்கெட் நான்கு நிலைகளையுடையது. ஆஸ்ட்ரோசாட் தவிர வேறு  நாடுகளின் சிறிய செயற்கைக்கோள்களையும் சுமந்து செல்கிறது. முக்கிய செயற்கைக்கோள் நமது ஆஸ்ட்ரோசாட். மொத்தம் 25 நிமிடங்கள் 32.92 வினாடிகளில் ஏவுதல் நிறைவடைந்து அனைத்து செயற்கைக்கோள்களும் விண்ணில் ஏவப்பட்டுவிடும். ராக்கெட்டின் செயற்கைக்கோளை 649.97 கிமீ உயரத்தில் தள்ளிவிட்டுவிடும். பின்னர் செயற்கைக்கோளிலுள்ள மோட்டார்களை இயக்கி தேவையான உயர, சாய்வு கோணங்களைப் பெறலாம்.



  • 1.52 நிமிடங்களில் முதல் நிலை எரிந்து முடிந்து பின்னர் கடலில் விழுந்துவிடும்.
  • முதல் நிலை  எரிந்து முடிந்த 2 வினாடிகளில் இரண்டாம் நிலைஇயங்கத் தொடங்கும்.
  • 4 நிமிடம் 22 வினாடிகளில் இரண்டாவது நிலை எரிந்து முடிந்து பின்னர் கடலில் விழுந்துவிடும்.
  • மூன்றாவது நிலை  4 நிமிடம் 24 வினாடிகளில் இயங்கத்தொடங்கும்.
  • 9 நிமிடம் 47 வினாடிகளில் மூன்றாம் நிலை எரிந்து முடிந்து பின்னர் கடலில் விழுந்துவிடும்.
  • நான்காம் நிலை 16 நிமிடம் 57 வினாடிகளிலிருந்து 25 நிமிடம் 32 வினாடிவரை இயங்கும்.



டெயில் பீஸ்: வழக்கம்போலவே பி.எஸ்.எல்.வி வெற்றிகரமாக அஸ்ட்ரோசாட் உள்ளிட்ட ஏழு செயற்கைக்கோள்களையும் விண்ணில் நிலைநிறுத்தியது.  ஐ.எஸ்.ஆர்.ஓ விஞ்ஞானிகளின் வெற்றிப்பயணம் தொடரட்டும்.

புகைப்பட உதவி: ஐ.எஸ்.ஆர்.ஓ இணையத்தளம்


கீழேயுள்ள "வானியல் தொடர்" எனும் லேபிளைச் சொடுக்கி இத்தொடரின் அனைத்துப் பாகங்களையும் படிக்கலாம் அல்லது இங்கே சொடுக்குங்கள்.

Thursday, July 2, 2015

வானியல் - 32 முப்பது மீட்டர் தொலைநோக்கி (TMT)




                TMT என்பது Thirty Meter Telescope (TMT). இந்தத் தொலைநோக்கி (டெலஸ்கோப்) மூலம் அல்ட்ரா வைலட் அலைநீளம் முதல் நடுத்தர இன்ஃப்ரா ரெட்வரையான அலைநீளத்தைக் காணலாம். இதன் மூலம் நட்சத்திரங்களை அறிந்து கொள்ளலாம், கிரகங்கள் உருவாகும் விதத்தையும், அண்டத்தையும் மேலும் பிரபஞ்சத்தின் பெரும் பகுதியையும் ஆராயலாம்.

Thirty Meter Telescope: Artist’s Concept

              இத்தொலைநோக்கியின் கட்டுமானப்பணிகள் 2014 ஆம் ஆண்டு அக்டோபரில் ஆரம்பித்தன. எல்லாம் ஒழுங்காக திட்டமிட்டபடி நடக்கும்பட்சத்தில் 2022 முதல் இத்தொலைநோக்கி பயன்பாட்டிற்கு வரும். ஹாவாய் தீவுகளிலுள்ள Mauna Kea எனும் மலையுச்சியில் இத்தொலைநோக்கி அமைக்கப்படுகிறது. ஏற்கனவே அங்கு சில தொலைநோக்கிகள் அமைக்கப்பட்டு பயன்பாட்டில் உள்ளன.

Mauna Kea மலையிலுள்ள தொலைநோக்கிகள்.
                   இத்தொலைநோக்கி பயன்பாட்டிற்கு வரும்போது ஒட்டுமொத்த சூரியக் குடும்பத்தையும் நட்சத்திரங்களையும் மற்றும் பால்வெளி அண்டத்தையும் பற்றியத் தெளிவான பல விசயங்கள் கிடைக்கும் என அறிஞர்கள் அறிவித்துள்ளனர். ஏற்கனவே உள்ள ஹப்பிள் தொலை நோக்கியைவிட பத்து மடங்கு துல்லியமாக இத்தொலைநோக்கியின் மூலம் படங்களைப் பெற முடியும்.




                இத்தொலைநோக்கி நிர்மாணித்த பின்னர் அதைப் பயன்படுத்தும் நாடுகளில் இந்தியாவும் ஒன்று. ஆம் இந்தியாவின் Indian Institute of Astrophysics அதற்கான ஒப்பத்தம் செய்துள்ளது. இந்தியா மட்டுமல்ல ஜப்பான், சீனா, கலிஃபோர்னியாவிலுள்ள பல்கலைக்கழகங்கள் மற்றும் கனடாவிலுள்ள பல்கலைக்கழகங்களும் இதற்கான ஒப்பந்தத்தைக் கொண்டுள்ளன.





                  இத்தொலைநோக்கியின் aperture 30 மீட்டர் விட்டமுடையது எனவே இது முப்பது மீட்டர் தொலைநோக்கி என அழைக்கப்படுகிறது. இதன் மூலம் ஏற்கனவே நாம் பார்ப்பதைவிட 10 முதல் 100 மடங்கு தெளிவாகப் பார்க்கமுடியும். மேலும் இப்போதைய தொலைநோக்கிகள் வானத்தில் பார்க்கும் பரப்பைவிட ஒன்பது மடங்கு அதிகமானப் பரப்பை இதன் மூலம் பார்க்க இயலும்.





ஏற்கனவே சிலி மற்றும் மெக்ஸிகோ என சில இடங்கள் பரிந்துரைக்கப்பட்டு கடைசியில் ஹவாய் தீவின் Mauna Kea மலைப்பகுதி தேர்ந்தெடுக்கப்பட்டது. அப்போது ஆரம்பித்தது சிக்கல். 

எதிர்ப்பு: 

              இத்திட்டம் அறிவிக்கப்பட்டதிலிருந்தே ஹவாய் தீவின் பூர்வகுடிகள் இதற்கு எதிராகத் தீவிரமாகப் போராடிவருகின்றனர். காரணம்.. ரெம்ப எளிது. இயற்கையை அழித்து இம்மாதிரியான கட்டுமானங்களைச் செய்யாதீர்கள் என்பதுதான். உங்களால் அழிக்கப்படும் இயற்கை எதையும் உங்களால் மறு உருவாக்கம் செய்ய முடியாது என்கிறார்கள். போராட்டம் எல்லாம் அறவழியில்தான் நடக்கிறது. இப்போராட்டத்தின் காரணமாக கட்டுமானப்பணிகள் அடிக்கடி தடைபடுகின்றன. சமீபத்திய நாட்களில் போராட்டக்காரர்களை கைது செய்து வருகின்றனர். யார்ப் பக்கம் பார்த்தாலும் நியாயம் இருப்பதாகவே தெரிகிறது. இம்மலை எங்களின் தாய் இயற்கை இடர்களிலிருந்து எங்களைக் காக்கிறாள். எனவே எங்களின் பகுதிக்கு வந்து எங்களைத் தொந்தர செய்யாதீர்கள். எங்களின் உணர்வுகளைப் புரிந்து கொள்ளுங்கள் எனக் கண்ணீர்விடுகின்றனர்.
போராட்டத்தின் காணொனி கீழே.. போராட்டக்காரர்களின் கேள்விகளில் நியாயம் இருக்கிறது.


 


                ஏற்கனவே சிலி -யில் 8.4 மீட்டர் தொலைநோக்கியின் கட்டுமானப்பணிகள் நடந்து கொண்டிருக்கின்றன. மேலும் அதே சிலி -யில் ஐரோப்பாவின் 39.3 மீட்டர் தொலைநோக்கிக்கான கட்டுமானப்பணிகளும் நடந்து கொண்டிருக்கிறது. நிச்சயமாய் அமெரிக்கா இத்திட்டத்திலிருந்து பின்வாக்கப்போவதில்லை. இம்மூன்று திட்டங்களும் 2020 -ல் பயன்பாட்டிற்கு வரும்வகையில் திட்டமிடப்பட்டுள்ளன.

புகைப்பட உதவி: Space இணையத்தளம்


கீழேயுள்ள "வானியல் தொடர்" எனும் லேபிளைச் சொடுக்கி இத்தொடரின் அனைத்துப் பாகங்களையும் படிக்கலாம் அல்லது இங்கே சொடுக்குங்கள்.

Wednesday, June 24, 2015

வானியல் - 31 டைட்டனும் (Titan) அதன் கடலும்.

                   டைட்டனும் (Titan) அதன் கடலும்


                    பூமியில் மட்டுதான் தண்ணீர் உள்ளிட்ட நீர்மப் பொருட்கள்  இருக்கிறதா என்ன? ஏற்கனவே பார்த்த கைப்பர் பட்டை மற்றும் ஓர்ட் க்ளவுட் பகுதியிருக்கும் விண்கற்களின் மேற்பரப்பில் பனிக்கட்டிகள்  உள்ளன. 200 வருடங்களுக்குள் ஒருமுறை பூமியை எட்டிப் பார்க்கும் வால்நட்சத்திரம் எனும் எரிகற்கள் கைப்பர் பட்டை மற்றும் ஓர்ட் க்ளவுட் வருகின்றன. இது தவிர சூரியக் குடும்பக் கிரகத்தின் நிலவு ஒன்றில் நீர்மப் பொருட்கள்  கடலாகவே இருக்கிறது. அதைப்பற்றி கொஞ்சம் பார்ப்போம்.

Two Halves of Titan.png
டைட்டன்


                                  16 - 17 ஆம் நூற்றாண்டில் இத்தாலியில் கேஸினி எனும் கணிதவியலாளர் மற்றும் வானியல் விஞ்ஞானி வாழ்ந்தார். மேலும் அதே காலக்கட்டத்தில் டச்சுப் பகுதியில் ஹைகன்ஸ் எனும் கணிதவியலாளர் மற்றும் வானியல் விஞ்ஞானியும் வாழ்ந்தார். இவர்கள் இருவரும் புகழ் பெற்ற வானியல் அறிஞர்கள். இவர்களின் பெயரைக் கொண்ட விண்கலன் ஒன்றை சனிக் கிரகத்தை ஆராய 1997 அக்டோபர் 15 அன்று அமெரிக்க மற்றும் ஐரோப்பிய விண்வெளி அமைப்புகள் இணைந்து அனுப்பின.

Christiaan Huygens.jpg
ஹைகன்ஸ்
Giovanni Cassini.jpg
கேஸினி




                     2005 ஆம் ஆண்டில் இவ்விண்கலத்திலிருந்து ஹைகன்ஸ் எனும் தானியங்கி ரோபோ சனியின் நிலவுகளுள் ஒன்றான டைட்டனில் இறங்கியது. ஒரு உபதகவல் சனிக் கிரகத்திற்கு மொத்தம் 53 நிலவுகள் உண்டு. மேலும் 9 நிலவுகள் இதன் சுற்றுப் பாதையில் சேரக் காத்துக் கொண்டிருக்கின்றன. இந்நிலவுகளில் ஒன்றுதான் டைட்டன். ஹைகன்ஸ், டைட்டனின் மேற்பரப்பில் இறங்கும்போது இறகைப் போல மிக மெதுவாகத் தரையிரங்கியது. இவ்வளவிற்கும் 318 கிலோகிராம் எடையுடைய ஹைகன்ஸ் அவ்வாறு இறங்கக்காரணம் டைட்டனின் மிகக் குறைவான ஈர்ப்புவிசையே.

டைட்டனின் மேற்பரப்பில் ஹைகன்ஸ் எனும் தானியங்கி ரோபோ. ( இது ஒரு வரைபடம்)


 
                             கேஸினி விண்கலத்தின் தகவல்களின்படி பூமியைத் தவிர டைட்டனில் மட்டும்தான் ஏரிகள் மற்றும் கடல்கள் (இதுவரை 35) இருப்பதாகக் கண்டுபிடிக்கப்பட்டது. டைட்டனின் மேற்பரப்பின் வெப்பநிலை -180 டிகிரி செல்ஸியஸ். இதில் மீத்தேன், ஈத்தேன் மற்றும் ஹைட்ரோ கார்பன் மூலக்கூறு அடங்கியவை உள்ளிட்டவை உள்ளன. மொத்தம் 37 மூலக்கூறுகள் இருப்பதாக கண்டுபிடிக்கப்பட்டுள்ளது. டைட்டனின் துருவங்களில் மிகப் பெரிய கடல்களும் பலநூறு கிலோமீட்டர் நீளமுள்ள பல நூறு அடிகள் ஆழமுள்ள ஆறுகளும் காணப்படுகின்றன. மேலும் பல சிறு ஏரிகளும் கேஸினி விண்கலம் புகைப்படமெடுத்துள்ளது. இதில் ஆச்சரியப்படும் விஷயம் வற்றிப்போன ஏரிகளும் இவற்றில் அடக்கம்.

Radar images from NASA's Cassini spacecraft reveal many lakes on Titan's surface, some filled with liquid, and some appearing as empty depressions. False colouring is is used to distinguish bodies of liquid hydrocarbons (blue-black) from dry land (brown) and does not represent the visual appearance of Titan's surface. Image credit: NASA/JPL-Caltech/ASI/USGS.


                   ஏரிகள் ஆறுகளுடன் இணைந்திருக்கவில்லை. அவற்றில் இருக்கும் மீத்தேன் ஈத்தேன் போன்றவை மழையினாலோ அல்லது டைட்டனின் நிலப்பரப்பின் கீழிருந்து ஊறியோ ஏற்படுகின்றன. சிலசமயம் வற்றவும் செய்கின்றன. இதுதொடர்பாக அதிகத் தகவல்கள் எதுவும் விஞ்ஞானிகளிடம் இல்லை. ஐரோப்பிய மற்றும் அமெரிக்க விஞ்ஞானிகள் இது தொடர்பாக ஆராய்ந்து வருகிறார்கள். 30 வருடங்கள் இடைவெளியில் இந்த ஏரிகள் நிரம்பி வற்றி வருவதாகக் கணக்கிட்டுள்ளனர்.


Cassini Saturn Orbit Insertion.jpg

              சமீபத்தியக் கண்டுபிடிப்பின்படி நமது பூமியின் நிலப்பரப்பும் டைட்டனின் நிலப்பரப்பும் ஓரளவு ஒத்திருப்பதாகக் கண்டுபிடித்துள்ளனர். இக்கிரகத்தின் சுண்ணாம்புக் கல், ஜிப்சம் மற்றும் மழைப்பொழிவு ஆகியவற்றை ஆராய்ந்து ஓரளவுத் தகவல்களைப் பெற்றுள்ளனர். மேலும் நிலப்பரப்பின் வேதியல் தன்மை, வெப்பநிலை மற்றும் மழைப்பொழிவு ஆகியவற்றின் மூலம் ஏரிகள் வற்றுவதற்கும் மீண்டும் நிரம்புவதற்குமான தொடர்பை ஆராய்ந்து வருகின்றனர்.

டைட்டன் ஆராய்ச்சி பற்றி சில தகவல்கள்:

  • 1160 ஆய்வுக்கட்டுரைகள் சமர்ப்பிக்கப்பட்டுள்ளன.
  • 37,000 புகைப்படங்கள் எடுக்கப்பட்டுள்ளன.
  • 43% பரப்பு ரேடார் மூலம் வரைபடமாக்கப்பட்டுள்ளது (மேப்பிங்).
  • பூமியைப்போல 1.43 மடங்கு பரப்பு அழுத்தமுடையது.
பலகோடிக்கணக்கான கிலோமீட்டர் தொலைவிலிருக்கும் டைட்டன் நிலவின் நிலப்பரப்பும் நமது பூமியின் நிலப்பரப்பும் ஒன்றுபோலிருப்பது ஆச்சரியம்தான்.


புகைப்பட உதவி: astronomynow இணையத்தளம் மற்றும் விக்கிப்பீடியா.

கீழேயுள்ள "வானியல் தொடர்" எனும் லேபிளைச் சொடுக்கி இத்தொடரின் அனைத்துப் பாகங்களையும் படிக்கலாம் அல்லது இங்கே சொடுக்குங்கள்.

Sunday, June 21, 2015

வானியல் - 29 வானியல் அலகுகள்

வானியல் அலகுகள்





                        வானியலின் மீதான மனிதனின் ஆர்வம் இன்று நேற்று ஆரம்பித்ததல்ல. மனிதன் தோன்றிய நாள் முதல் நட்சத்திரங்களையும், கோள்களையும் வானியல் அபூர்வ நிகழ்வுகளயும் பார்த்து வருகிறான். அதில் அரிஸ்டாட்டில், தாலமி, கோபர்நிக்கஸ், ப்ரஹே, கெப்ளர், கலிலியோ, நியூட்டன், ஐன்ஸ்டீன், வில்லியம் சிட்டர், ஹென்றி, தாமஸ், ஹப்பிள், எட்மண்ட் ஹேலி உள்ளிட்ட பலப்பல ஜாம்பவான்கள் படிப்படியாய் வளர்த்தெடுத்ததே இன்றைய நவீன வானியல். வானியல் என்பது பல துறைகளை உள்ளடக்கிய ஒன்று. நமது பிரபஞ்சம் என்பது நம்மால் உருவகிக்க முடியாத ஒன்று. எனவே பூமியில் நாம் தூரத்தை அளக்க உபயோகிக்கும் நம்முடைய சாதாரண அளவீடான கிலோமீட்டர் எல்லாம் கதைக்குதவாது. எனவே சில வகை அடிப்படை வானியல் அளவுகளைத் தெரிந்து கொள்ளலாம்.

AU (astronomical units) வானியல் அலகு

astronomical units க்கான பட முடிவு

                       சூரியக் குடும்பத்திற்கு உள்ளே உள்ள கிரகங்களுக்கிடையேயான தொலைவைக் குறிக்க இவை உபயோகப்படுத்தப்படுகிறது. ஒரு AU என்பது சூரியனுக்கும் பூமியின் வட்டப்பாதைக்கும் இடையேயான சராசரித் தொலைவு ஆகும். சூரியக் குடும்பத்தின் கடைசிக் கோளான (?) ப்ளூட்டோ சூரியனிலிருந்து 39.47 AU தொலைவில் உள்ளது. சுருங்கச் சொன்னால் ஒரு AU என்பது 14,95,97,871 கிலோமீட்டர்கள்.

ஒளிவருடம்

light year க்கான பட முடிவு

                  ரெம்பத் தொலைவில் உள்ளதை அளக்க கிலோமீட்டரோ அல்லது AU -வோ கதைக்கு உதவாது. அதை ஒளியின் வேகத்தோடு அளக்கின்றனர். ஒளியானது  2,99,792.458 கிலோமீட்டர் தொலைவை ஒரு வினாடியில் கடந்து செல்லும். இந்த ஒளி ஒரு வருடத்தில்
கடக்கும் தொலைவை ஓர் ஒளி வருடம் எனக் குறிப்பிடுகின்றனர். வினாடிக்கு சராசரியாக மூன்று இலட்சம் கிலோமீட்டர்கள்.  சூரிய ஒளி நம்மை வந்து 
அடைய எடுத்துக்கொள்ளும் கால அளவு 8.3 நிமிடங்கள். காலையில் மலையிடுக்கில் நீங்கள் பார்க்கும் சூரியன் நீங்கள் பார்க்கும் அதே நேரத்தில் அந்த இடத்தில் இல்லை. நீங்கள் பார்ப்பது 8.3 நிமிடங்களுக்கு முன்னர் இருந்த சூரியனை. நமக்கு மிக அருகில் (!) இருக்கும் நட்சத்திரமான ''ப்ராக்ஸிமா செஞ்சுரி'' -க்கும் நமக்குமான தொலைவு 4.2 ஒளி வருடங்கள். இவ்வளவு ஏன் ஒரு ஒளி வருடம் என்பது 94,60,52,84,00,000 கிலோமீட்டர்கள். 
 உபதகவல்:

மைக்கேல்சன் - மார்லி சோதனையில்தான் ஒளியின் வேகம் 2,99,792.458 கிலோமீட்டர்கள் என துல்லியமாக அளவிடப்பட்டது.
 ஐன்ஸ்டீன் ஒளியின் வேகம் மாறுபடும் என்று சொன்னார். அவ்வாறு மாறும் போது பொருளின் அளவிலும் மாறுதல் 
ஏற்படும். காலமும் மாறும் என்றார். நேரமும் பொறுமையும் இருந்தால் 'தியரி ஆஃப் ரிலேட்டிவிட்டி' படித்துப் பாருங்கள். 

பார்செக்

parsec க்கான பட முடிவு

                              3.26 ஒளி வருடங்கள் ஒரு பார்செக். இரண்டு அண்டங்களுக்கு இடையேயான தொலைவை கிலோ பார்செக் 
அலகால் விஞ்ஞானிகள் குறிபிடுகின்றனர்.1000 பார்செக் = 1 கிலோ பார்செக். இதன் தொலைவு 3262 ஒளி வருடங்கள்.
வினாடிக்கு 3 இலட்சம் கிலோமீட்டர் வேகத்தில் சென்றால் 3262 வருடங்களில் ஒரு பார்செக் தொலைவைக் கடந்துவிடலாம்.
நாம் இருக்கும் பூமியிலிருந்து மில்க்கி வே எனும் இப்பால்வீதியின் மையம் 8 கிலோ பார்செக் தொலைவில் இருக்கிறது.
மேலும் மெகா பார்செக், ஜிகா பார்செக் உள்ளிட்ட அளவுகளும் புழக்கத்தில் உள்ளன.

புகைப்பட உதவி: Swinburne Astronomy இணையத்தளம், Regentsearth இணையத்தளம், 123rf இணையத்தளம் மற்றும் brilliant.org இணையத்தளம்.


கீழேயுள்ள "வானியல் தொடர்" எனும் லேபிளைச் சொடுக்கி இத்தொடரின் அனைத்துப் பாகங்களையும் படிக்கலாம் அல்லது இங்கே சொடுக்குங்கள்.

வானியல் - 30 Magnetospheric MultiScale Mission எனும் MMS

Magnetospheric MultiScale Mission



                          சூரியனின் காந்தவிசைக் கோடுகள் பூமியின் காந்தவிசைக் கோடுகளுடன் இணையும் போது ஏற்படும் விளைவுகளை (Magnetic reconnection) ஆராய செயல்படுத்தப்படுவதே  Magnetospheric MultiScale Mission சுருக்கமாக MMS. வழக்கம் போல நாசா -வின் திட்டம் இது.


The remains of the solar filament arrow on June 17, first sighted on May 28.




                    2015 மார்ச் 13 அன்று அட்லஸ் V ராக்கெட் மூலம் விண்ணில் செலுத்தப்பட்டது. நாசா -வின் திட்டங்களெல்லாம் மலைக்க வைப்பவை. நாசாவின் விண்வெளித் திட்டங்களைத் தாண்டி உலகின் பிற விண்வெளி அமைப்புகளால் செல்ல முடியுமா எனத் தெரியவில்லை.

 

                   சூரியனில் ஏற்படும் புயல்களால் அதன் காந்தப்புலக் கதிர்கள் விண்வெளியில் சிதறடிக்கப்படுகின்றன. அவ்வாறு சிதறடிக்கப்படும் காந்தப்புலக் கதிர்கள் விண்வெளியிலுள்ள அனைத்தையும் தாக்குகின்றன. பூமியில் நமக்கு ஏற்கனவே உள்ள பூமியின் காந்தக்கதிர்களுடன் அவை சேரும் போது பூமியிலும் பூமியின் வான்பரப்பிலுள்ள செயற்க்கைக்கோள்களிலும் ஏற்படும் மாற்றங்களை அறிய ஒரே மாதிரியான நான்கு செயற்கைக் கோள்களை நாசா விண்ணில் அனுப்பியுள்ளது. காந்தக் கதிர்களின் வீச்சு, அவற்றின் நிலை மற்றும் காந்தக் கதிர் முப்பரிமாண வரைபடம் தயாரிப்பதும் இதில் அடக்கம்.

Tetrahedron.jpg

                  கனமுக்கோணத்தின் நான்கு முனைகளையும் கற்பனை பண்ணிக் கொள்ளுங்கள். அந்த முனைகளின் இடத்தில் செயற்கைக் கோள்கள் இருப்பதாக நினைத்துக் கொள்ளுங்கள். நான்கும் ஒத்திசைந்து இயங்கும். நான்கு செயற்கைக் கோள்களும் தாயாரான போது எடுத்த புகைப்படம் கீழே...


MMS Spacecraft 001


இச்செயற்கை கோள்களிலுள்ள கருவிகளுள் சில


  • Plasma analyzers
  • Energetic particle detectors
  • Magnetometers
  • Electric field instruments


http://www.nasa.gov/sites/default/files/thumbnails/image/mms_study_areas.jpg 

                         ட்லஸ் V ராக்கெட் மூலம் ஏவப்பட்டு குறிப்பிட்ட உயரத்தை அடைந்ததும் நான்கு செயற்கைக் கோள்களும் 5 நிமிட இடைவெளியில் பிரிந்து சென்று ஏற்கனவே குறிப்பிட்ட கனமுக்கோண வடிவில் நிலைகொண்டன. இந்த செயற்கைக் கோள்களில் இருக்கும் மோட்டார்களை இயக்குவதன் மூலம் இவற்றிற்கிடையேயான தொலைவை பல ஆயிரம் கிலோமீட்டர்கள் முதல்10 கிலோமீட்டர் வரை மாற்ற இயலும். இந்த வகை மோட்டர்களை Onboard propulsion என்பர்.


 

இத்திட்டத்தின் முக்கிய நோக்கம்

  • எம்மாதிரியான நிகழ்வுகளின் மூலம் இவ்விளைவுகள் (Magnetic reconnection) நிகழ்கின்றன.
  • இந்த விளைவை (Magnetic reconnection) எது தீர்மானிக்கிறது. 
  • இவ்விளைவு (Magnetic reconnection) நடக்கும் பகுதியின் அமைப்பு. 
  • இவ்விளைவு (Magnetic reconnection) நிகழும் போது எலெக்ட்ரான்களின் பங்களிப்பு. 
உள்ளிட்ட பல விஷயங்களை ஆராயவே இத்திட்டம் செயல்படுத்தப்படுகிறது.




 

நாசாவின் ஐந்து வருட சூரியனின் 'டைம் லேப்ஸ்' வீடியோ கீழே..




                ம் ஐ.எஸ்.ஆர்.ஓ -வும் 'ஆதித்யா' திட்டம்னு ஒன்றை 2008 -ல் அறிவித்தது. 2017 - 2018 திட்டக்காலம் என கூறப்பட்டது. அதன் தற்போதைய நிலமை தெரியவில்லை.

புகைப்பட உதவி: நாசா இணையத்தளம் மற்றும் thunderbolts இணையத்தளம்.

கீழேயுள்ள "வானியல் தொடர்" எனும் லேபிளைச் சொடுக்கி இத்தொடரின் அனைத்துப் பாகங்களையும் படிக்கலாம் அல்லது இங்கே சொடுக்குங்கள்.

எஞ்சினியர்ஸ்.

                      ஒ ரு காலத்தில் கனவுப் படிப்பாக இருந்தது. சீட் கிடைப்பதே பெரும்பாடு. நுழைவுத் தேர்வு எழுதி பன்னிரெண்டாம் வகுப்பின் கட்...